Wavoshi, Aug 1: Khopoli tehsil main corona ka kahar lagatar shuru hai. Yaha ke log kafi ghabraye huye hai. Ab corona se ladhne ke liye Khopoli nagarparishad Khalapur pattern follow karnewali hai. Khopoli main 1 aur 2 August ko har ghar jakar logonka medical check-up hoga.
Rajya main corona ka kahar shuru hote hi, April mahine main Khalapur nagarpanchayat ke sabhi adhikariyone private doctors ko sath lekar har ghar jakar, har kisi ka medical check-up kiya hai. Uske chalte Khopoli main corona ko rokna kafi had tak safal raha.
To ab Khalapur nagarparishad ne Khalapur ka yahi pattern follow karne ka socha hai. Khopoli main corona ke rugn din-b-din badhte hi ja rahe hai. Usko kabu main rakhna ab bahut jaroori ho gaya hai. Iss medical health check-up ki liye sabhi log sahyog de aisi appeal nagaradhyaksh Suman Aausarmal ji ne kiya hai.