Corona marijon ki arthik loot karne vale private hospitals par rok lagane ki sarkar ne lekha parikshan samiti banayi hai. Lekin, is samiti ke madhyam se kam hi nahi ho raha, sirf kagaj par shikayat darj ki ja rahi hai. Jila prashasan jald hi koi hal nikale marijon ko dilasa de, aaisi maang ki ja rahi hai.
Pichhle kuch dino se corona infection ki sankhya badh rahi hai. Shuruvat me mahapalika ke bad nagarpalika kshetra me corona ka prakop jyada tha. Lekin ab, Corona infection ne gramin vibhag ko apna laksh banaya hai. Jiske karan kuch logon ko private hospitals me ilaaj karna pad raha hai. Private hospitals ne marijon par ilaaj karne ki taiyari dikhakar lakho rupaiyon ke bills sambandhit marijon ko dene ki shuruvat ki hai.
Private hospitals ke manmani kamkaj rokne ke liye sarkar ne 1 may ko sarkari niyam nikalkar private hospitals par rok lagane ka niyam banaya aur lekha parikshan samiti sthapit ki. Lekin, sarkar dwara aadesh dekar bhi kuch private hospitals ki manmani shuru hai. Yah samiti sirf kagaj par karyarat hone ke karan aam aadmi ko iska koi laabh nahi ho pa raha.
and then