Private bus me ek seat par ek hi yatri baithega

Unlock ke chauthe bhag me private bus yatra ke liye shansan ki or se anumati di gayi hai. Social distancing, bus sanitize karna, mask ka istemal karna anivarya hai. Panvel up paradeshik parivahan ki or se yatrion ke liye bus chalakon ko suchna di gayi hai. Niyamon ka palan na karne par karvayi ki jayegi.
Corona ke badhte infection ke karan private bus pichhle panch mahino se band hai. Jila antargat aana jana band hone ke karan unlock ke tisre padav me private bus shuru karne par chalakon ki or se barbar maang ho rahi thi. Pichhle panch mahino se private bus travels band hone se, malik, driver, cleaner, manager inko arthik sankat ka samna karna pada. Bus chalakon ko firse kam shuru karne ke liye shansan ki or se gadiyon par lagne vala April se 30 september tak ka tax maaf kiya gaya hai.