Alibag, Nov 5: Saal 2020-21 ke kul vahan tax ka 50 fisadi tax maaf karne ka nirnay rajya sarkar ne liya hai. Rajya main salana tax bharnewale vahanonko April 01 se September 2020 in 6 mahinon ke kalavadhi main tax bharne se 100 fisadi tax maaf karne ka nirnay liya gaya hai.
Agar vahandharak ne April se September 2020 iss kalavadhi ka tax bhar diya hai to agle kalavadhi main matlab October 2020 se March 2021 iss dauran ka dey main shamil karke unko chhoot dene ki manjoori shasan ki taraf se de di gayi hai. Aur jo vahandharak March 2020 tak ka baki tax 31 December 2020 tak ka byaj sahit dand bharenge unko bhi tax main chhoot dene ka nirnay liya gaya hai.
Yah jankari ziladhikari karyalay se dee gayi hai.