Borli-Mandla, Nov 29: Murud-Roha taluka ke kai gaon ke jamin par naya aushadi park banvane ki rajya sarkar ki yojna hai. Iss yojna ke tahat Maharasthra Rajya Audyogik Vikas Mahamandal yahan ke sthanik logon ki bhoomi adhigrahan karvani ki koshish kar rahi hai. Jiska sthanik kisanon ne purjor virodh kiya hai. Iss mamle main Aamli-Talekhar ke gramsthon ne yahan ke Prantadhikari Sharda Powar ji ko aavedanpatra diya hai.
Diwali ke tyohar ke darmyan yahan ke kisanon ko bhoomi adhigrahan ki notice mili. Jiske karan unke tyohar par pani pher gaya tha. Iss mamle main 17 November ko Tahsildar Gaman Gavit aur Prantadhikari Sharda Powar ji ke sath gramsthoki baithak bhi aayojit karvayi thi. Yahan par kisanon ne bhoomi-adhigrahan ko virodh kiya. Unka kehna hai, ki ek to ye saari jamin upjau hai, uspar aaudyogik vikas praklap nahi hona chahiye, aur dusari baat yahan ke gramsthon ko, kisanon ko vishvas main lekar nirnay lena chahiye tha.
photo credit: patrika.com. Image used only for representation
and then