Murud, Nov 25: Murud taluka main aaye din bijali chali jati hai. Shahar main Mangalvar ko dinbhar bijali nahi rahati. Kyunki ki shahar ki arthvyavstha parytakon par nirbhar hai, unko kisi prakar ki pareshani na ho iss wajah se yahan ke sabhi prakar ke chhote-bade vyavsayik, hotel malik generator ka sahaj istemal karte hai. Bijali rahe na rahe, generator ki madad se bijali na hone ki pareshani se Murudwasi aur yahan ke parytak bach jate hai. Lekin shayad issi wajah se bijali ka hona yah ek samanya suvidha hai, jo shasan ko ngrikon ko deni chahiye, yah janta ka adhikar hai, yahi baat Murudwasi bhulte jaa rahe hai. Yahan ke lagbhag 50 pratishat gharon main generator ka istemal hota hai. Aur ussi se sab kam hote hai. Generator bechnewale, uski marammat karnewale aur usko repair karnewalon ki apni alag hi arthvyavstha ban rahi hai.
Bijla ki katauti par generator ka upyog yah upay nahi hai, yah baat shayad Murudwasi bhul rahe hai. Isi wajah se apne adhikar ke liye ladne se achha hai, generator kharid lo, yahi mansikta main jyada tar log hai.
Generator par nirbhar rahne ki aadat Murudwasiyon ko bijali ka unka adhikar bhulati jaa rahi hai. Upna adhikar bhulte jana yah kisi bhi samaj ke liye achhi baat nahi hai.
photo credit: toolsvilla. image used only for representation
and then