Alibag, Spet 8: Rajya main jyada ke bijiali bill se har koi pareshan hai. Lockdown ke vakt sab kuchh band tha tab bhi bijali ke billon ka aankda dekhkar kai samany logon ko jabardast shock lag raha hai. Kai lokpratinidhi aage aakar iss mamle main logon ki madad karne ki koshish kar rahe hai.
Yahan ke Shetkari Kamgar Paksh ke karykartaone apni neta Chitralekha Patil ke sath MSEB ke office main bhent dee. Aur wahan ke adhikariyon se iss mamle ki charcha kee. Nisarg cyclone aur lockdown ki wajah se samany logon ka kafi aarthik nuksaan ho gaya hai iss liye unko rahat dene kee bhi baat huyi. Jyada ke bill main 30% katauti karne ki aur 300 unit ke bill maaf karne ki mang unhone kee hai. Iss mamale main koi upay nahi milta tab tak kisi ka bhi bijali connection nahi toda jayega aisa adhikariyon ne aashwasan diya hai.
photo credit: Chitralekha Patil, Facebook
and then