Murud: Raigad zile ke Pen se Kashid beach ghumne aaye Gharat parivar ke do bhaiyon ko yahan ke Homeguard, Jeevrakshak aur Police ne dubne se bachaya. Picchle kuchh dinon main ye teesari vardaat hai. Jeevrakshakon ki samayuchitata ki wajah se parytakon ko jeevdaan mila hai.
Pen se ghumne aaye Gharat parivar ke Mandar aur Prashant bhai subah 11 ke aaspaas samundar main tairne ke liye gaye the. Lekin tairte tairte we bahut andar chale gaye aur phir wapas kinare par aana mushkil ho gaya. Unko dekhakar yahan ke Police Hawaldar Sachin Wani, Police Naik Vilas Ambetkar, Homeguard V.K. Waghmare, Jeevrakshak Deepesh Pawar aadi logon ne dubte huye Gharat bhaiyon ko kinare pe le aaye.
In main se Mandar to kinare par aane tak behosh ho chuka tha. Uske sharir paani nikalne ke baad wo hosh main aa gaya. Police aur Jeevrakshak team ki wajah se unke pran bach gaye. Gharat parivar ne unko dhanywad diya hai.
photo credit: Patrika.com. Image representative only
and then