Aagardanda, Nov 21: Murud ka prasiddha jalgurg Janjira March mahine se band tha. Ab jab ki rajya ke sabhi parytan sthal phir se shuru ho chuke hai. Janjira kila abhi bhi band hai. Iss baat se yahan ke vyavsayik aur parytak kafi naraj hai.
Maharashtra ke sabhi kile Puratatva vibhag ki taraf se parytan ke liye khule kiye gaye hai. Lekin kuchh takniki kam adhura hone se Janjira abhi bhi band hai. Kaha ja raha th ki 18 Navambar ko Janjira khula ho jayega lekin aisa nahi hua. Yahan ke vyavsayikon ka kahana hai, pichhle lagbhag 8-9 mahinon se parytan band hone se kafi nuksan ho gaya hai lekin ab jab parytan ko anumati mil gayi hai badi sankhya main parytak Murud aa rahe hai. Lekin Janjira band hone ke karan yahan ke naavchalakon ke din abhi bhi bure hi chal rahe hai. Welcome jal Vahtuk Society ke chairman Javed Karbhari ji ne Janjira turant kholne ki mang ki.To dusari taraf agle do dinon main Janjira khul jayega aisa Puratattva ke adhikari Bajrang Yelekar ji ne kaha.
photo credit: Reddit.com
and then