Alibag: Abhi jo bachhe panch vi kaksha main padh rahe hai unko kaksha 6 se lekar 12 vi tak muft shiksha paane ka mauka yahan ke Jawahar Navoday Vidyalay main mil sakta hai.
Grameen bhag main rahnewale pratibhavan vidyarthiyon ke shiksha ke sath sath unka samajik, sharirik vikas aur unke kalaon ko sahi protsahan dene hetu deshbhar main 1988 se Jawahar Navoday Vidyalay shuru karvaye gaye hai.
Raigad zile ke Navoday Vidyalay main aadhunik computer lab, Smart classrooms, badasa granthalay, khelne ke liye badasa maindan aur Gym bhi uplabh hai. Ladaka-ladakiyon ke liye achhi shiksha unke rahne ki suvidha ke sath uplabh hai. Yahan pravesh paane ke liye pariksha main uttiran hona jaroori hai, kisi prakar ke paise bharne ki koi aavshyakta nahi hai.
Raigad ke grameen aur shahar main bhi 5 vi kaksha main padhnewale vidyarthi pariksha ke liye patr hai. Pravesh ke liye aavedan bharne ki antim tarik 15 December hai. Pariksha 10 April 2021 ko honewali hai. Adhik jankari ke liye www.navodayagov.in is website ko bhent de.
Yah jankari ziladhikari Nidhi Chaudhary ji ne di hai.
and then