Alibag: Guardian minister Aditi Tatkare aur ziladhikari Nidhi Chaudhary je ke margdarshan par zile main dudh vyavsay, goat farming aur murgi palan jaise kheti se jude huye vyavsaay karnewale 100 kisanon ko Kisan Credit Card dwara shasan yojnaon ka labh pahunchane ka praytan kiya janewala hai. Zile ka pashuvibhag aur Bank of India ne naye saal main yahi sankalp kiya hai. Iss yojna ka labh uthane ke liye ichhuk aur jarooratmand kisan zila pashusanvardhan karyalay ke upayukt Dr. Subhash Maske athva Bank of India ke Alibag ki mukhya shakha ke vyavsthapak Shri Anand Nimbekar ji sampark kar sakte hai, aisa avahan zila prashasan ki taraf se kiya gaya hai.