Borli-Mandla: Murud taluka ke Salav se Murud darmiyan badhte parytakon ke karan vahanon ka aavagaman badi sankhya main ho raha hai. Usi karan yahan ke Majgaon bus stand ke paas durghatana ghatne ki ashanka bhi badh gayi hai. Iss baat ko dhyan main rakhkar yahan zebra patte lagvane ya phir speed breaker lagvane ki mang yahan ke nagrik aur parytak bhi kar rahe hai.
Corona mahamari ke chalte deshbhar main lockdown kiya gaya tha. Pichhle kuchh dinon main unlock ki prakriya shuru ho gayi hai. Usi ki wajah se 9 mahinon ke baad phir se parytan shuru ho gaya hai. To Mumbai aur rajya se badi matra main Murud-Janjira, Kudaloni yaha parytak aa rahe hai. Issi karan Salav se Murud tak ke raaste par bada traffic rahata hai. Aur kai baar vahnon ki raftaar bhi tej rahti hai. Majgaon ke bus stand ke paas kai chhoti-badi durghatna ki vardaten aaye din ho rahi hai. Issi liye savdhani ke taur par zebra crossing ya speed breaker lagvane ki mang Sarvajanik Bandhkam vibhag se kee ja rahi hai.
and then