Murud, Nov 26: Kendra sarkar ki taraf se logon ki suvidha ke liye rajya ke lagbhag sabhi pramukh post office main aadharcard uplabdha karwane ke liye machine lagvayi hai. Iss machine se kam kimat main nagrikon ko aadhar card milta hai. Aisi suvidha Murud post office main bhi hai. Lekin yahan ke adhikariyon ke durlakshya ki wajah se kai mahinon se yah machine dhool khati dikh rahi hai. Iss ke bare main Sub Postmaster Panchulkar ji ne kaha ki iss machine ka mother board aur any cheeje kharab ho gayi hai. Uske durusti ki mang ki hai. Asha hai ki jald se jald wah machine shuru ho jayegi.
Iss se yah baat saaf hoti hai, ki hajaro-lakho rupyon ki machine ki taraf adhikari samay par dhyan na de, to nagrikon ki tax se shuru ki gayi aisi suvidha bilkul bekam sabit hot hai. Ant main nuksan nagrikon ka hi hota hai.
photo credit: IndiaMart, image used only for representation
and then