Murud, Oct 8: Yahan ka Datt mandir prasidhh hai. Usi marg par aage jake Shri Kshetraphal yah bhagvan Shankar ka prachin mandir hai. Pichhle kai salon se yaha Mahashivratri ka utsav bade utsaah ke sath manaya jata hai. Yaha bhavik badi sankhya main aate hai. Lekin iss prachin mandir tak jaanewala raasta bahut kharab ho gaya hai. Yah raasta durusti kaam sansad nidhi se karne ki mang yahan ke samajsevak Arvind Gaikar ji ne kee hai. Iss mamle main unhone sansad Sunil Tatkare ji ko nivedan bhi diya hai.
Lagbhag 150 saal purana yah mandir uchit dekhbhal ke aabhav se kharab halat main hai. Yaha tar pahuchne ke liye thik sadak nahi hai, waha bijali nahi hai, raaste par bhi bijali nahi hai, aisi avstha main bhi yaha badi sankhya main bhavik aate hai. Sunil Tatkare apne sansad nidhi se iss mandir ke vikas ke liye nidhi uplabdh karaye, aisi vinati Gaikar ji ne kaha hai.
Iss mandir ka vikas kiya gaya to parytak ko bhi badhava mil jayega, aisa bhi Gaikar ji ka kahna hai.
photo credit: Dainik Bhaskar, used only for representation
and then