Alibag: Pure vishva ko corona virus ne hilakar rakh diya hai. Pura desh lagbhag 7-8 mahine bilkul band tha. Iss duaran marijon ke ilaj ke liye, hospitals ki jaroorate puri karne ke liye, visthapeet, berojgar huye garib logon ke liye Kendra sarkar, rajya sarkar, kai swayansevi sansthaye aur daanveer aur samanya log bhi aage aakar jaise mumkin ho waise madad kar raha hai. Aise main zile ke corona nidhi main ghotala hone ki baat samne aa rahi hai.
Ek suchna adhikar se prapt jankari ke anusar Covid-19 kaal main prashasan se milnewale paise swasthya sevaon par hi kharch karna jaroori tha, aise main table aur kursiyon ke liye lakho rupye kharche kiye jane ki baat samne aa gayi hai.
Yahan ke Tahsildar karyalay ne mana hai ki samajik sanstha, daanshoor vyaktiyon ne ki huyi madad ki kisi bhi prakar ki nond nahi rakhi gayi hai. iss baat se lakho ki rakam ka hisab na hone se ghotale ki sambhavana badh jati hai. Suchan adhikar se prapt jankari ke anusar zuthe bill banvakar adhikariyon ne ghotala kiya hai, aisa aarop lagaya ja raha hai.
and then