Aagardanda, Oct 7: Corona virus ka prabhav kam kam karne ke liye pura desh lockdown tha. Saat mahinon baad unlock ki prakriya phir se shuru ho gayi hai. Parytan, hotels, restaurants, bar ye sab bhi pichhle kuchh dinon se shuru ho chukka hai. Aise main Janjira kila bhi parytan ke liye phir se shuru karne ki mang ki jaa rahi hai.
Murud taluka ki arthvyavstha puri tarike se parytan par aadharit hai. Yaha ke swachha kinare, kile aur teerthkshetra parytakon ke aakshran ke Kendra rahe hai. Lekin pichhle saat mahinon se ye sab band tha. Iska arthvyavstha aur logon ke rojgar par kafi bura asar pad gaya hai. Dusari taraf bhari barish aur chakravaat ne bhi logon ko behal kiya hai. Ab agar arthvyavstha ko sudharna ho to Janjira kila parytank ke liye khula karna chahiye aisi mang ki ja rahi hai.
Iss mamle main yahan ke sansad Sunil Tatkare ji ko aadedan diya gaya hai, aisa Murud Pravasi Sanghtna ke pramukh Shrikant Surve ji ne kaha hai.
photo credit: Konkan katta
and then