Jetty ki suvidha naa honese Machhuaare naraj
Murud, Oct 3: Samudri kinare par hone se yah ek parytan ka mattvapurn Kendra hai. Uske sath hi Murud Machhli utpadan ke liye bhi kafi mashhoor hai. Yaha ki machhli pramukh roop se Mumbai aur Pune bheji jati hai. Machhli pakdna, uski bhekhal karana aur use bechna iss pure vyavsaay main kitne hi logonka rojgar juda hai. Ziel ki arthvyavstha main jitna Murud aur iss machhli vyavsaay ka yogdan hai, us mukabale yahan ke machhuaaron ki samsyaonpar dhyan nahi diya jata.
Jwar-bhate ka seedha asar machhli ki uplabdhta par padta hai. Bhate ke samay, pani kam ho jaane ki wajah se raat ko machhli jyada milti hai. Lekin jyada jagahwali jetty ki suvidha na hone ki wajah se kinarepar hi jaise-taise apni apni naav lagani padati hai. Kinare par ret jyada hone ki wajah se kai baar naav fas jati hai, aur isse naav ka nuksaan bhi hota hai.
In samsyaonko dhyan main rakhakar yahan ke machhuaare naav lagane ki liye jetty ki mang karte hai.
and then