Borli-Mandla, Oct 24: Murud taluka ke kai gaonko janewale kai raaste behaal ho gaye hai. Raaston ke gaddhon se gadi chalana matlab durghatana ko bulava dene jaisa hi hai. Log pareshan hai, aur bar bar raasto ki marammat ki mang karte hai. Taluka ke durgam ilake ka Mandla-Kakalghar yah marg Shirgaon ko jodta hai. Yah marg gaddho se bilkul hi chhalani ho gaya hai. Iss ki taraf yahan ke bandhkam vibhag ka bilkul bhi dhayn nahi hai. Aur iss baat se yahan ke gramasta bahut naraj hai. Yah marg keval 8 kilometer ka hai lekin uski duravstha ki wajah se iss paar karne ke liye bahut jyada wakt lagta hai. Iss marg ki marammat ke liye do saal pahle Mukhyamantri Gramsadak Yojana se lakho rupye manjoor kiye gaye the uska kya hua kisi ko kuchh pata nahi hai. Iss baat se bhi yahan badi narajagi hai.
photo used only for representation
and then