Murud, Oct 21: Wapasi ki barish ki wajah se huye kheti ke nuksan ke panchname turant karne ke aadesh Alibag-Murud ke aamdar Mahendra Dalavi ne prashasan ko diye hai. Unka kehna hai ki jaldi panchname karne se sarkar ki araf se bhi turant madad lekar aane ke liye we prayatnshil rahenge.
Ek taraf jaldi se jaldi panchname karke kisanon ki madad ki jayegi aisa kaha jaa raha hai to dusari taraf virodhak bina panchname kiye kisanon ki madad karne ki mang kar rahe hai. Is ke beech anndata kisan donon ke prati avishvas dikha raha hai.
Murud taluka main 3,210 hector dhan ki fasal thi jis main se 1800 hector ka kshret badhit hai, aisa prathmik andaja hai. Talathi, gramsevak aur Krishi sahayyak panchaname kar rahe hai, jaldi hi kam pura karke uski report behji jayegi aisa yahan ke Krishi adhikari V.D. Aahire ji ne kaha.
Lekin samanya logon se baat ki jaye to unka kehna hai ki nuksan us se kai jyada ka hua hai.
and then